Saturday, August 23, 2014

પરાકાષ્ઠા....


ગાલગા ગાલગા ગાલગા ગાલગા ગાલગા

દિલ તણા ડાંભને કોણ આંસુ વડે ઠારશે..
ને વહેતાં જતાં આંસુને કો' પછી ઝાલશે...

લે વિના ઓળખાણે થયા સામસામે પછી..
મૌન ભાષાથી સંદેશ દઈને ગરજ સારશે...

જો સમય પારખીને જ ચુપચાપ રહ્યા હતાં.. 
માનતા નૈ કદીએ કે સંબંધ પૂરા થશે...

રોકશે કોણ અમને શરમ આપને પણ હશે..
જો તમોને સતાવે જ ડર તો પછી ચાલશે...

ભૂલવું આપને તો કદીએ નઈ પરવડે..
લ્યો ધરીએ હવે મૌન બન્નેઉને ફાવશે...

દિલનો ઉભરો સતાવે પળેપળ છતાં થાય શું..
ને પ્રણય છલકતો ઘટ ગમે ત્યાં  હવે ફાટશે...

માન કે શરૂઆત છે આપણા પ્રેમની આજથી.
"જગત" તો આજની ક્ષણનેજ  ટોચની માનશે...jn

No comments:

Post a Comment