તુજ પ્રગટી આવે...

મૃગજળનું ઝરણું સુકાએલી નદીમાં ધસી આવે..

આવે તારી યાદ, ક્યાંક તું પણ એમ ભણી આવે...

મહેરામણ ઉમટ્યા છે મેળાની ચિચીયારીમાં..

મીઠા કલશોરમાં કોઇ જાણ્યો નાદ સંભળાઇ આવે...

પદ પૈસા ને પ્રતિષ્ઠાની શોધમાં નિકળ્યા હોય..

સાવ સામાન્ય સરળતામાંજ કોઇ જડી આવે...

સુમસાન આ સડક ને ભઠે બાળતો તડકો..

છાંટાની વણજાર આમ અચાનક ઉમટી આવે...

કબાટ ફંફોળુ ને જુના સ્મરણોની સાથે..

તારા પ્રેમના પુરાવાનો કોઇ દસ્તાવેજ મળી આવે...

હાથે લાગે અલાદીનનો એ જાદુઇ ચિરાગ..

ઘસવા જાઉ ને અચાનક તુજ પ્રગટી આવે...

પુરાના આ સંદુકમાં હોય જગતની યાદો..

ખોલીને જોઉં એકાએક બચપન દોડી આવે...jn