દીકરી મારી...

 ઘર આંગણે જોઈ તને ચહેરા પર હાસ્ય રમે છે...

એકલતાને વિચારું ત્યાં જ આંખો થોડી જમે છે...

રોજ સવારે વહેલો જાગી નાદ તને આપુ..

થોડીવાર સુવા દો ને વાલા મારા બાપુ...

એકલતાને વિચારું ત્યાં જ આંખો થોડી જમે છે...

કાલીઘેલી ભાષામાં નીતનવા ગીતો સંભળાવે..

કાચું પાકું તીખું મીઠું જેવું બને તેવું ખવડાવે...

એકલતાને વિચારું ત્યાં જ આંખો થોડી જમે છે...

સૌને સંભાળે.. ઘરના એક એક ખૂણાને વહાલથી ભરતી..

હૈયુ હરખે આંખો છલકે મન મલકાવ્યા કરતી...

એકલતાને વિચારું ત્યાં જ આંખો થોડી જમે છે...

લક્ષ્મીનો અવતાર ધરી આજ ત્રણ કુળને તારનારી...

જગતમાં શ્રેષ્ઠ છે તું જીતની બાજી હારનારી..

એકલતાને વિચારું ત્યાં જ આંખો થોડી જમે છે...

ઘર આંગણે જોઈ તને ચહેરા પર હાસ્ય રમે છે...

એકલતાને વિચારું ત્યાં જ આંખો થોડી જમે છે...jn

જે. એન. પટેલ (જગત)