જાણ્યું છે હૈયામાં હૈયાથી હૈયાને હૈયાનો વાંધો પડ્યો છે..
એટલે જ શ્રદ્ધામાં શ્રદ્ધાથી શ્રદ્ધાને શ્રદ્ધાનો સાંધો જડ્યો છે..
એક માણસ ઝેર પીવે છે ને નીલકંઠ બની પૂજાય છે..
માણસમાં માણસથી માણસને માણસનો અહં નડ્યો છે.
એક કાગળ લખવો છે હરિવરને હળવેકથી એકાંતમાં..
જાત સાથે જાત ઘસીને જાતના નામે જાતે લડ્યો છે...
ધર્મના કુંડાળા દોરીને ધર્મની સ્પર્ધાઓ કરાવે છે...
તારો જ અંશ તારો જ વંશ તારા જ સામે ચડ્યો છે..
પથ્થરમાં પરમેશ્વર ને વૃક્ષમાં વાસુદેવને જોવાવાળો..
જીવને જાણી જગતને માણી વાણીથી રડ્યો છે...jn
જે. એન. પટેલ (જગત)
