કોણ કોનામાં છે એ મારે હવે તમને જણાવાની જરુર ક્યાં..?
કેટલું જાણો છો તે આજે હવે અમને ભણાવાની જરુર ક્યાં..?
રાતનું સમણું અધુરું છે ને સવાર પડી ઉભી થઇ જઇ રહી છે..
લાગણી સૌને છે તો પણ આમ લાચારી બતાવાની જરુર ક્યાં..?
છે સફર જીવન તણી ને ભાડુઆત બની રહેવાના અમે તો..
જીવતે જીવ મનને મારી ને ભાડામાં વળાવાની જરુર ક્યાં..?
સેંકડો છે નાદ આ દુનિયા મહીં, કોઇક ને કોઇક ભાંજગડના..
નાદ મારો આમ વાદ વિવાદમાં ખોટો ભળાવાની જરુર ક્યાં..?
ના કરો આવો ભરોસો કોઇ પર, જગતાત છે દિલમાં તમારા..
જાત સાથે આમ નાદાની ભરી ચાલો ચલાવાની જરુર ક્યાં..?..jn
No comments:
Post a Comment