રાત આવી છે હવે સ્મરણ ભુસી લૌ, મન થયું છે..
આંખમાં આવેલ સ્વપ્નને ફગવી દૌ, મન થયું છે...
રાતભર જાગ્યો હવે આ અંત વેળા આવવાની..
આ પરોઢ ને ખોતરીને પૂછવાં જૌ, મન થયું છે...
ચાંદનો આસ્વાદ માણ્યો તો અમે ને ટેરવાએ..
અંગમાં અંગો પરોવી નાથવા કૌ, મન થયું છે...
હાલને બેહાલ કરવા રાત પણ પટકાઇ ગઇ'તી..
બુંદ થૈ ઝાકળ બનીને ઊડતો થૌ, મન થયું છે...
આ નયનને આંજવા કાજળ ઘસાવા લાગતું તું..
રીતસર આળોટતી હું બાથમાં રૌ, મન થયું છે...
કાચળી તારી ઉતારી ઓગળી, ભળવું હ્રદયમાં..
સીસકારો ઠાલવીને પાઘને લૌ, મન થયું છે...
મારુ મન પણ મોરના એ થનગનાટે નાચતું તું..
આ પ્રણયને પણ જગતમાંથી ભરે સૌ, મન થયું છે...Jn
No comments:
Post a Comment