દ્વન્દ્વ....2 ગઝલ..

કંઇક અનેરા સૂર વહ્યા છે આપણી વચ્ચે..
દિલના દરવાજા ખૂલ્યા છે આપણી વચ્ચે...

ઉષ્માં અંગોની ને અધિરાઇ અધરની છે..
હોઠ પછી શ્વાસ ભળ્યા છે આપણી વચ્ચે...

કડકડતી ઠંડીમાં પણ વરસ્યો છું આજે..
તોફાની ચુંબન ખર્યા છે આપણી વચ્ચે...

સારસની જોડી પણ ઝંખે છે આઝાદી..
જંગ ભલેને છેડાયા છે આપણી વચ્ચે...

પાઘ હવે ભીંજાણી ને કાચળી વીખાણી..
સિસકારા જાણે ગરજ્યા છે આપણી વચ્ચે...

વક્ષ ભીડે બેડી જાણે કેદી પકડાયો..
પિસ્તોલ ભરીને ઘેર્યા છે આપણી વચ્ચે...

રણશીંગા ફુંકાયા, દ્વન્દ્વ ખેલાયો છે..
દુશ્મન સૌ આજે હાર્યા છે આપણી વચ્ચે...

અંતરમાં પથરાણી બુંદ પરાકાષ્ઠાની...
માદકતાના પુર વહ્યા છે આપણી વચ્ચે...

સંભાળી લે જે આ પળની સાથે યાદો..
ભાવ જગતમાંથી ભર્યા છે આપણી વચ્ચે...Jn

જે. એન. પટેલ..( જગત )