lockdown શિક્ષણ ના ફાયદા અને ગેરફાયદા..

 પરિવારના પ્રેમ સાથે એની મસ્તી જોઈ છે...

જિંદગીને આજ અમે હસતી જોઈ છે...

છુપાયેલી છે કેટલીય શક્તિઓ બાળકમાં..

સમયના અભાવમાં કળાની પસ્તી જોઈ છે...

એકલતામાં અટવાયેલી રહેતી જ્યારે હું..

ઘરમાં જ મારા પોતીકાની વસ્તી જોઈ છે...

ઘરમાં જ રહેવું છે સલામત રહેવું છે..

જગતની જેલમાં પણ આજે મસ્તી જોઈ છે...

કોરોના નો કાળ આવ્યો અને lockdown લાવ્યો.

કોઈને પણ ખબર ન પડતાં પરિવારને પાસે લાવ્યો કોરોના નો કાળ આવ્યો... 

ઓનલાઇન નું શિક્ષણ લાવ્યો...

 સાથે સાથે શિક્ષણ ના ફાયદા પણ લાવ્યો અને ગેરફાયદા પણ લાવ્યો કોરોના નો કાળ આવ્યો..

અચાનક જ કોરોના રૂપી કાળ આવ્યો અને સમગ્ર માનવજાતને થંભાવી દીધી. માણસ લાચાર બની ગયો કોરોનાના કહેર સામે ઘરમાં રહેવા માટે મજબૂર બની ગયો અને આવા સમયની અંદર હસતા રમતા ફૂલો ઘરમાં જ કેદ થઇ ગયા શાળાઓના પટાંગણ કલરવ કરતા બંધ થઇ ગયા રોજ સવારે પીળા પિતાંબરને ઓઢીને આવતા શાળાના વાહનો લુપ્ત થઈ ગયા.

કોરોના નો કાળ આવ્યો સાથે ઓનલાઇન શિક્ષણ લાવ્યો..

કહેવાય છે કે ગુરુ વિના જ્ઞાન મળી શકતું નથી‌ તો જ્યારે ગુરુ જ ના હોય તો જ્ઞાન કેવી રીતે પ્રાપ્ત થાય..?? 

શાળા એ માત્ર પુસ્તકનું જ્ઞાન નથી આપતી સાથે સાથે જીવન ઘડતરના સિદ્ધાંતો પણ ભણાવે છે બીજાની સાથે કેમ રહેવું એકબીજાને સહન કરવાના પાઠ ભણાવે છે. દરેક પરિસ્થિતિને અનુકૂળ થઈ હસતાં રમતાં રહેવું હાર ને પચાવવી અને જીતને વહેંચવી તે શાળા શીખવાડે છે..

કહેવાય છે કે...

येषां न विद्या, न तपो न दानम्, न ज्ञानं न शीलं, न गुणो न धर्मं ।

ते मृत्यु लोके भूवी भाट भूता, मनुष्य रूपेण मुर्गा चरन्ति।।

વિદ્યા વિનાનું જીવન પશુ સમાન છે રોટી કપડા ઓર મકાન પછી માનવ માટે મહત્વની જરૂરિયાત હોય તો તે માત્ર ને માત્ર શિક્ષણ છે એ જીવન લક્ષી પણ હોઈ શકે છે અને વ્યવસાયલક્ષી પણ હોઈ શકે છે..

સમગ્ર જગતમાં સૌથી શક્તિશાળી કોઈ વ્યક્તિ હોય તો તે શિક્ષિત વ્યક્તિ છે.

ઇતિહાસના પાના જોઈશું શું સમજાશે કોઈપણ રાજા પોતાના રાજ્યમાં જ પૂજનીય હોય છે જ્યારે એક વિદ્વાન એટલે કે ભણેલો-ગણેલો ડોક્ટર એન્જિનિયર કે વૈજ્ઞાનિક તે સમગ્ર વિશ્વમાં માનવજાત માટે આદરણીય અને પૂજનીય હોય છે.

ભણેલા-ગણેલા માનવ માટે શિક્ષણ તેના જીવનમાં આવતી મુશ્કેલીઓની ઢાલ છે,

અને એટલે જ કહેવાય છે...

न चोर हार्यं, न च राज हार्यं, 

न भातृ भाज्यं, न च भारकारि।।

व्ययं कृते वर्धत एव नित्यं 

विद्याधनं सर्वधनप्रधानम।।

અર્થાત ચોરી શકતા નથી,

રાજા લઇ શકતો નથી, ભાઈ ભાગ માગી શકતો નથી, સરકાર તેના પર કર નાખી નથી શકતી, કેટલું વાપરશો તેટલું વધે છે અને એટલા માટે જ વિદ્યારૂપી ધન શ્રેષ્ઠ ધન છે..

એક ભક્ત માટે તેની આસ્થાનું કેન્દ્ર મંદિર છે એવી જ રીતે બાળક માટે શિક્ષણ આપવાનું કેન્દ્ર એ માત્ર અને માત્ર શાળા જ હોઈ શકે છે.

હવાની ઉપસ્થિતિ વાતાવરણ બધી જગ્યાએ હોય છે તેમ છતાં પણ જ્યારે આપણને ગરમી લાગે છે ત્યારે આપણે પંખાની નીચે જઇએ છીએ તેવી જ રીતે શિક્ષણ ભલે ગમે ત્યાંથી મળે પણ શાળામાં ભણવાનો કંઈક આનંદ અલગ જ હોય છે...

સામાન્ય વાતને આપણે વિચારીએ કે જીવન નિર્વાહ માટે વિત્ત કમાવા માટે આપણે બહાર નીકળવું જ પડે છે તેવી જ રીતે ઓનલાઇન શિક્ષણ લઈશું તું માત્ર અને માત્ર કહેવાનું શિક્ષણ મળશે પુસ્તકિયું જ્ઞાન પ્રાપ્ત થશે અને આવા પુસ્તકિયા જ્ઞાન નો શો મતલબ..?

હું જાણું છું કે ઓનલાઈન શિક્ષણથી આપણને ફાયદા કરતાં ગેરલાભ ઘણા જ થયા છે તેમ છતાં પણ એક કહેવત યાદ આવે કે ના મામા કરતાં કહેણો મામો સારો આ પણ એવું જ છે કે ભણવા ખાતર ભણીએ છીએ અને આગળના ધોરણમાં જવા માટે એક ફોર્માલીટી પૂરી કરીએ છીએ..

 *Education mind to draw out..* 

શાળામાં મળેલું શિક્ષણ બાળકમાં રહેલી ખાસિયતોને બહાર લાવે છે તેની નબળાઈઓને દૂર ભગાડે છે. 

અને એટલા માટે જ કહેવાય છે...

मंजिले उन्ही को मिलती है जिनके सपनों में जान होती है।

पंखों से कुछ नहीं होता हौसलों से उड़ान होती है।।

અંતમાં એટલું જ કહીશ...

ઓનલાઇન શિક્ષણ વિદ્યાર્થીને પશુ જેવો બનાવી દીધો છે મન ફાવે ત્યારે જાગે છે મન ફાવે ત્યારે ખાય છે અને મન ફાવે ત્યારે સુવે છે..

અને એટલે જ જગતની ચોટલી જે હાથમાં જાલીને બેઠો છે તે જગદીશને કહીએ....

સર્વેડત્ર સુખિન: સંતુ સર્વે સંતુ નિરામયા:

 સર્વે ભદ્રાણી પશ્યન્તુ માં કશ્ચિત્ દુઃખમાપ્નુયાત્..

ૐ શાંતિ: શાંતિ: શાંતિ:...

અસ્તુ.....