ઝંખના...

શબ્દો ક્યાં મળે છે કે જેને કાપી શકાય...

મિત્રો ક્યાં મળે છે કે જેને વાંચી શકાય...

કહેવામાં શું જાય છે કે પ્રેમ છે મને..

લાગણીઓને ક્યાંથી માપી શકાય...

દેખાડો કર્યા કરે છે કાળા માથાનો માનવ..

રસ્તા શોધે છે જ્યાં સંબંધોને કાપી શકાય...

ઈશારાની પણ ભાષા હોય છે ને..

બધું જ થોડું શબ્દોમાં છાપી શકાય..

જગતની ઝંખના બધા જ સમજે છે ને..

હરતાં ફરતાં આમ સૌને થોડી આપી શકાય...jn

જે. એન‌. પટેલ (જગત)

ગમે છે...

તારી સાથે વાતો કરવી રોજ ગમે છે..

જ્યારે જ્યારે તું આંખો સામે રમે છે..

અચાનક લાગણીઓ છલકી જાય છે..

ત્યારે હસતાં હસતાં આંખો જમે છે..

અંતરના ઊંડાણ ક્યારેય મપાતા નથી..

બંધન હોય તો માણસ આપોઆપ નમે છે..

રાહ જોવાની રોજે રોજ આજ સમયે..

ન આવે તોય રોજ રાહ જોવાની ગમે છે..

એક બે ધબકાર ચૂકી જાય છે હૃદય..

તોય જગત એ મીઠી વેદનાને ખમે છે..jn

જે. એન. પટેલ (જગત)

કુદરત...

 માણસ છે એટલે ગમે ત્યારે ફરી શકે છે..

કુદરત છે એટલે ગમે ત્યારે વર્ષી શકે છે..

ઢાળમાં ઢળે વળાંકમાં વળે ને ચડાવમાં પડે.

માનવ સ્વભાવ આવું ગમે ત્યારે કરી શકે છે...

પવનને પણ થયું હશે કે ગરમી છે તો ટહેલુ..

વંટોળ બનીને આમ ગમે ત્યારે સરી શકે છે...

વૈશાખી વાયરાને ડીજેનો તાલ નહીં ગમ્યો હોય..

એમ માની વાદળ પણ ગમે ત્યારે ગરજી શકે છે..

માણસ નાચે તો વરઘોડો અને કુદરતનું વાવાઝોડું..

જગત પણ સમય સાથે ગમે ત્યારે ફરી શકે છે...jn

જે. એન. પટેલ (જગત)