નૈ કરું...

સુરતમાં આવ્યો છું, રાત અજવાળી નૈ કરું..
તોફાનીનું ગૌરવ છું એટલે મારાવાળી નૈ કરું...

કવિ જેવો ખરો એટલે મજુરી કાળી નૈ કરું..
રવી જેવો તેજસ્વી છું રાત પાળી નૈ કરું...

ઘેર ઘેર રૂપાળા દરડા જોઇ કલ્પનાઓ દોડાઉં..
પત્નીવ્રતા જેવો હું એટલે બીજી ઘરવાળી નૈ કરું...

ડર કે ડરવાનું કોઇના બાપથી પણ નહીં..
ગુસ્સો આવેય ખરો પણ ગાળાગાળી નૈ કરું...

સિંહ જેવી જીંદગી જીવવામાં રસ છે મને..
ખાવા માટે કરોળીયાની જેમ જાળી નૈ કરું...

મળવા આવીશ તને હિમાલયની ટોચ પર..
શ્રધ્ધા પૂર્ણ છે મારી, યાત્રા પગપાળી નૈ કરું...

જગતને સંભાળવાની જવાબદારી તારી છે..
તારા રસ્તે ચાલીસ પણ રખેવાળી નૈ કરું...