વીર પસલી... એટલે...

આપણા વડીલો આપણા ઋષિઓ
પાસેથી વારસામાં મળેલો એક સંસ્કાર..
શ્રાવણ માસ એટલે વર્ષ દરમ્યાન
આવતા શ્રેષ્ઠ દિવસો...
શ્રાવણ માસ એટલે ભક્તિથી છલોછલ
ભરેલા દિવસો...
શ્રાવણ માસ એટલે વર્ષાની હેલીના
દિવસો...
શ્રાવણ માસ એટલે દાન પુણ્ય કરવાના
ઉત્તમ દિવસો...

આપણો મુખ્ય વ્યવસાય ખેતી સાથે
સંકળાયેલો હોવાથી શ્રાવણ માસમાં
સમયની પણ સગવડતા રહે અને
આવા પવિત્ર દિવસોમાં ભાઇ પોતાની
બહેનના ઘરે હરખાતો હરખાતો જાય
અને બહેનને પોતાની કમાણીનો
પ્રસાદ સ્વરૂપે એક ભાગ ધરે અને
બહેનના ઘરે સમગ્ર વર્ષ દરમ્યાન
આવા દિવસોમાં જઇ એના હાલાવાલ
લઇ મળીને રેણ કરીને આવે...

વીર પસલી આપવા આવેલ ભાઇના
સ્વાસ્થય અને વિકાસમાં સતત પ્રગતિ
થાય એવા આશિષ સાથે બહેન ભાઇને
રક્ષાકવચ સ્વરૂપે રાખડી બાંધે છે...
આવી વિશિષ્ટ પરંપરા ઉભી કરી સમગ્ર
"જગત"ને આવા અનન્ય સંસ્કાર પ્રદાન
કરનાર વડીલોને ઋષિઓને મારા
કોટિ કોટિ વંદન...jn