ચાલ આભાસી પ્રેમની દિવાલોમાં થોડું *નવનિર્માણ* કરીએ..
કલ્પનાઓને છોડી હકીકતમાં થોડું નવસર્જન ભરીએ...
હાથમાં હાથ ઝાલી તો સૌ કોઈ ફરે છે એમાં નવું શું..?
બંધ આંખોમાં અહેસાસના ઓથમાં થોડું હળવું ફરીએ...
ચાંદ ને તારા તોડવાની વાતો આવો તો કાંઈ પ્રેમ હોતો હશે.!
ઝાંઝવાના જળમાં કાગળની નાવ લઈ હળવેથી તરીએ...
મોબાઈલનો વાયરો ચાલે છે ને માણસ તો જાણે હવામાં છે..
વાયરલેસ પ્રેમ ને વહેમ પણ વાયરલેસ તોય કહે સાથે મરીએ...
યાંત્રિકતા ભળી છે જગતમાં માણસ પણ યંત્રનો ને પ્રેમ પણ..
ચાલ આ કાલ્પનિક દુનિયાને બાજુ મૂકી પત્ર વ્યવહાર કરીએ...jn
જે. એન. પટેલ (જગત)
No comments:
Post a Comment