સાવ એવું તો થોડું હોય કે તું કે એ બધું જ મારે માની લેવાનું..!
ક્યારેક તો એવું પણ જીવન જોઈએ કે તું આવે ને માણી લેવાનું...
રોજ છપ્પન ભોગ મળે ને મોજ પડે એમાં કાંઈ નવું નથી હોતું...
ક્યારેક તત્વજ્ઞાન જેવું તો ક્યારેક સૂકા રોટલા સાથે પાણી લેવાનું...
આજકાલ રાફડા ફાટ્યા છે કવિઓના અને કવિતાઓના પણ..
ક્યાંક ચોરી તો ક્યાંક ઉઠાંતરી તો ક્યાંક પોતાનું જાણી લેવાનું...
ગંગા શુદ્ધ હોય ક્યારેક પાત્રના કારણે એમાં કચરો આવી શકે છે..
વિચારોના કચરાનું પોટલું ગંધાય, ક્યારેક જાતે જ તાણી લેવાનું..
જગત આખું ચાલ્યા કરે કોઈના વગર ક્યાં કોઈનું થંભી જાય છે..
હાથમાં પાણી જગદીશ જાણી વિચારો તાણી જીવન માણી લેવાનું...jn
જે. એન. પટેલ (જગત)
