રાહ જોવાની આવે એકલતામાં ત્યારે એમની આંખે ચોમાસું હોવું જોઈએ...
મળવાની વાત આવે ત્યાં હરખને મારે એમની આંખમાં આંસુ હોવું જોઈએ...
કોઈક ખાસ હોવું જોઈએ કલ્પના કે હકીકત પણ બારે માસ હોવું જોઈએ..
જિંદગીને મન ભરીને ચાહવા જીવન ભલે થોડામાં પણ ખાસું હોવું જોઈએ...
કોઈ કહે કેવું જીવ્યા કેટલું જીવ્યા કોની સાથે જીવ્યા એમાં કંઈ નવીન નથી..
વટ મારીને કહીએ એવું એક જણ સાથે જીવનનું એક પાસું હોવું જોઈએ...
પ્રેમ કરવા આખું જગત તત્પર છે ને એને તોડવા પણ આખું જગત તૈયાર છે..
હજારોની મેદની વચ્ચે પણ જોવે એક જણ એવું નજરનું ત્રાંસુ હોવું જોઈએ...
જીવને આવકારવા જગતનો નાથ હૈયે હામભરી હરખનો માર્યો તૈયાર હોય...
સ્વર્ગલોક હિલોળે ચડે આનંદે હૈયા ભરે ને ધરા પર ચોમાસુ હોવું જોઈએ...jn
જે. એન. પટેલ (જગત)
No comments:
Post a Comment