માણસ નામે ભજવાયેલો માણસ છે આ..*
જીવ માંથી શિવ બનવા વાળો માણસ છે આ...
રંગ ભરેલા વિશ્વ નો બે રંગી ને સાલસ..
કાચીંડાને પાછા પાડતો માણસ છે આ...
ચંદ્ર પર ચોપાય ઢાળી સૂતો મસ્તીમાં..
કહેવાતો કાળા માથાનો માણસ છે આ...
આકાશે તરતો ને પાતાળે જે ભમતો..
પત્થરમાં પુષ્પો ખીલવતો માણસ છે આ...
એક ઘા ને બે કટકા કરતા ના ખચકાતો..
ખોટે ખોટા ફાંકા મારતો માણસ છે આ...
ભૂલ્યો છે જે ભાવ ભરેલું જીવન આજે..
સ્વજનના પણ સામે પડતો માણસ છે આ...
જીવ 'જગત' જગદીશ તણી સમજણને જાણે..
ખોટે ખોટા કાંડો કરતો માણસ છે આ...Jn
No comments:
Post a Comment