આજ અચાનક મને એ કહેવા લાગી
અહીંયા આવ મારે તારી સાથે આંધળો
પાટો રમવો છે..
ચાલ બેસ એમ કહી ગળામાંથી
દુપટ્ટો કાઢી મારી આંખે બાંધી ઉભો
કરી ગોળ ગોળ ફરાવી મને કહે ચાલ
હવે પકડી લે મને તો ખરો..!
થોડીક વાર તો એના હાસ્યમાં
જે આનંદ હતો એને માણવા
હું એ દિશામાં દોડવા લાગ્યો
પણ પછી એક તુક્કો સુજ્યો ને
મેં પણ મનમાં એક યુક્તિ અજમાવી
આમતેમ જરા ચક્કર લગાવ્યા
ને પછી તરત બાહોને ફેલાવી ને હાંફતા
અવાજે કહ્યું હવે મારાથી તું નહીં.......
બસ પછી આગળના શબ્દો એની
મજબૂત પકડમાંજ દબાઇ ગયા....
આ "જગત"માં આવી પણ રમતો છે કે
રમ્યા વાળા જ જીતાડી જાય છે...Jn
No comments:
Post a Comment