*મલ્હાર* છેડાય ને બુંદો વરસે હવે ક્યાં એવા રાગ છે...
મિશાલ બને ને ઇતિહાસ રચાય હવે ક્યાં એવી આગ છે...
ગીતાનો ગાનાર અવતરણ કરવા થનગની રહયો છે..
સુદામાની સાથે મીરાંની ભક્તિ, ક્યાં એવી માંગ છે..!
કસ્તુરીની મહેક શોધવી છે પણ ત્યાં સુધી નથી કોઈ ઠેકાણું...
હૈયાથી હૈયાની સુગંધ ને હવે ફૂલોના પણ ક્યાં એવા બાગ છે...
માણસને માનવ્ય ને માણસાઈના પાઠ કોણ ભણાવે..?
છલકે ખુમારી ને માથું સદાય ઉપર ક્યાં એવી પાઘ છે..!
તેજસ્વીતા તપસ્વીતા અસ્મિતા હર કોઈ ઝંખે છે જગતમાં...
*दुर्लभम् भारते जन्म* સૌ કોઈના ક્યાં એવા ભાગ છે...jn
*✍️નામ:જે. એન. પટેલ (જગત)*
No comments:
Post a Comment