દુઃખમાં રડી લેવાની પણ મઝા અનેરી હોય છે,
હારેલી જીંદગી જીવવાની પણ મજા અનેરી હોય છે.
કીનારા પર વહાણ હંકારનારાઓ તમને શું ખબર.!
તૂફાન માં કશ્તી ગુમાવવાની પણ મજા અનેરી હોય છે.
તમામ ઉંમર જેને પામવાની તડપ હોય પરંતુ,
તેને મેળવીને ગુમાવાની પણ મજા અનેરી હોય છે...
બે હાથ વડે જીંદગી ઉલેચનારાઓ એટલું પણ જાણો કે,
છેલ્લા શ્વાસે હથેળી ખાલી જોવાની પણ મજા અનેરી હોય છે.
એક વાટ પકડી ને ચાલનારાઓ મંઝીલ જરુર પામેછે,
કીન્તુ માર્ગ માં ભટકી જવાની પણ મજા અનેરી હોય છે.
દુનીયાજીતનારા ઘણાં સીકંદરો ભૂલાઈ ગયાં
એક-બે ના દીલ જીતી ચાલી જવાની પણ મજા અનેરી હોય છે…jn
જે. એન. પટેલ (જગત)
No comments:
Post a Comment