બંધ આંખમાં પાણીની ઉંડાઈ જોવાય..!!
ખુલી આંખમાં વહેતો ધોધ કેમ મપાય..??
મૃગજળનુ વહેણ ઉભરાતું ઝંખાય..!!
બાલદી ભરી ઉલેચું તોય કેમ મપાય...??
પ્રેમ તારો બારે મેઘ ખાંગા, જણાય..
કટોરી ભરાય મોતીની, મોલ કેમ મપાય..??
ગર્જને તારા ટહુકાનો અવાજ સંભળાય..
વરસાદમા ભળે ખારાશ, કેમ મપાય..??
ડગમગ ડોલે, જીવનનૈયા કેમ હંકાય..!
વિશ્વાસનો સાગર સુકાય, ઉંડાણ કેમ મપાય..??
ઢોળ ચડાવી કંચનવર્ણો માનવ વર્તાય..
સંબંધ સોનાનો, ભેળશેળ ભાવ કેમ મપાય..??
લાગણીઓ સાથે સંતાકુકડી રમાય..
જગતાત ના હોય એ ધબકાર કેમ મપાય..??..jn
No comments:
Post a Comment