bhool jate ho..............

Andheri raat mein shama jalana bhool jate ho
Hamari yaad aati hai bhulana bhool jate ho
Jo ehsaan tum samajhte ho wo ehsaan to nahi magar
Jab ehsaan karte ho jatana bhool jate ho
Tumhari ik yehi aadat pareshaan hum ko rakhti hai
Nazar mein to aa jate ho samana bhool jate ho
Humein mehsoos hota hai hamare qurb mein aakar
Jo tanhai mein beeti hai sunana bhool jate ho
Tumhare hath main aksar gulabi phool hota hai
Hamari raah mein lekin bichana bhool jate ho
Tumhein to laut kar jane ki aksar fikr rehti hai
Magar jab laut jate ho to aana bhool jate ho
Suna hai tum apni hatheli per hamara naam likhte ho
Magar jab hum se milte ho dikhana bhool jate ho
jn